Legjenda braziliane e futbollit, Pele, ka më shumë se një javë që po trajtohet në spital për shkak të një infeksioni në mushkëri të rënduar nga Covid, sipas familjarëve të tij.

Mediat braziliane raportuan se Pele u transferua në kujdesin intensiv sepse trupi i nuk reagoi ndaj kimioterapisë që përdori për të luftuar kancerin.

Pak ditë më parë, ylli francez, Kylian Mbappe, u lut në Twitter për legjendën duke shkruar “Lutuni për Mbretin”.

Ndëkaq mbrëmë, i shtrirë në spital, Pele uroi që Mbappe të thyej rekordet e Peles në Botëror.

Ai iu përgjigj: “Faleminderit. Do të jem i lumtur të të shoh të thyesh një tjetër rekord timin në këtë kampionat, miku im”.

23-vjeçari Mbappe shënoi dy gola në ndeshjen kundër Polonisë dhe kështu arriti në total nëntë gola në Kampionatin Botëror, vetëm shtatë më pak se Miroslav Klose, i cili ka 16 gola.

Kjo e bëri atë golashënuesin më të mirë të të gjitha kohërave në Kupat e Botës nën moshën 24 vjeç, dhe rekordin e mëparshëm e mbante Pele me tetë gola./arbresh.info